Njëri nga dy të rinjtë e lënduar nga rrëzimi i kranit në Prishtinë ka humbur jetën, pavarësisht përpjekjeve të mjekëve në QKUK.
Nga Emergjenca e QKUK-së bëjnë të ditur se të dy të lënduarit u pranuan me politrauma të rënda, ndërsa viktima ndërroi jetë pas rreth dy orësh përpjekjesh të pandërprera për ta shpëtuar.
Personi tjetër vazhdon trajtimin në Klinikën e Torakales, ndërsa sipas QKUK-së, gjendja e tij shëndetësore është stabile.
