Qendra Kombëtare për Menaxhim Kufitar ka publikuar të dhënat më të fundit për gjendjen në pikat kufitare të Kosovës.
Sipas këtij përditësimi, në shumicën e pikave kufitare qarkullimi po zhvillohet pa pritje të mëdha, ndërsa vonesa më të theksuara janë evidentuar në Jarinjë, Dheu i Bardhë dhe Muçibabë.
Bazuar në të dhënat e publikuara në orën 16:47, në pikën kufitare Jarinjë pritjet për hyrje në Kosovë variojnë nga 45 deri në 50 minuta, ndërsa kolona e automjeteve është rreth 600 metra e gjatë. Në dalje nga kjo pikë, pritja është 10 deri në 15 minuta, me kolonë prej afërsisht 100 metrash.
Në pikën kufitare Dheu i Bardhë, udhëtarët po presin rreth 40 minuta për të hyrë në Kosovë, ndërsa për dalje pritja është rreth 35 minuta. Kolonat arrijnë deri në 250 metra në hyrje dhe 200 metra në dalje.
Pritje janë regjistruar edhe në Muçibabë, ku në hyrje koha e pritjes është rreth 40 minuta, ndërsa në dalje rreth 15 minuta. Kolona në këtë pikë arrin deri në 500 metra.
Në pikat e tjera kufitare të Kosovës, sipas të dhënave të fundit, qarkullimi po zhvillohet i qetë dhe pa pritje të konsiderueshme.
