Kryetari i Prishtinës, Përparim Rama, ka reaguar ndaj sulmeve të fundit që, sipas tij, po drejtohen kundër tij, bashkëpunëtorëve dhe familjes së tij.
Për Demantim News, Rama deklaroi se fushata e orkestruar politike ka tejkaluar kufijtë e debatit demokratik dhe është shndërruar në një sulm “ç’njerëzor”.
Ai tha se në shënjestër nuk është vetëm ai, por edhe bashkëpunëtorët dhe bashkëshortja e tij, duke e cilësuar këtë si linçim dhe presion të papranueshëm.
Rama theksoi se çdo pretendim për interes publik duhet të trajtohet nga institucionet e drejtësisë, duke kërkuar që gjuha e urrejtjes dhe denigrimi të mos fshihen pas pretendimeve për interes publik.
/Demantim News/
