Prokuroria Themelore në Pejë ka ngritur aktakuzë ndaj katër personave me inicialet T.B., A.J., A.K. dhe V.D., të dyshuar për grabitje, vjedhje të rëndë dhe ndihmë në kryerjen e veprës penale.
Sipas aktakuzës, dy prej të pandehurve dyshohen se në raste të ndryshme në Pejë kanë grabitur para nga një pikë e transferimit të parave dhe një barnatore, duke përdorur mjete të rrezikshme dhe kanosje.
T.B. akuzohet edhe për vjedhje të rëndë, ndërsa V.D. dyshohet se ka ndihmuar në kryerjen e grabitjes duke u siguruar transport dhe fshehje pas kryerjes së veprës.
Prokuroria i ka kërkuar Gjykatës Themelore në Pejë që, pas shqyrtimit të provave, të pandehurit të shpallen fajtorë dhe të dënohen sipas ligjit.
/Demantim News/
