Kushëriri i Liam Payne, Ross Harris, ka rrëfyer për orët e fundit para vdekjes së këngëtarit, duke treguar se kishte marrë një telefonatë prej tij vetëm disa orë më herët.
Harris tha se në atë moment ishte në një seancë për shkrim këngësh dhe nuk e kishte dëgjuar telefonin. Kur e pa telefonatën disa orë më vonë, tentoi ta kthente, por ishte tashmë tepër vonë.
Ai tregoi gjithashtu se mendon se Payne, pavarësisht famës së madhe dhe miliona fansave, kishte nevojë të ndihej i dashur edhe si person, jo vetëm si yll.
“Atij i duhet dikush që ta dojë Liam-in”, është shprehur Harris.
Payne, ish-anëtar i One Direction, humbi jetën në moshën 31-vjeçare në tetor 2024, pas një incidenti në një hotel në Argjentinë.
Duke folur për marrëdhënien e tyre, Harris tha se Payne shpesh rikujtonte me shumë emocion kujtimet e fëmijërisë, ndërsa ai vetë beson se fama e hershme e kishte bërë kushëririn e tij të jetonte një jetë krejtësisht ndryshe.
Harris e përshkroi telefonatën e fundit të humbur si një prej gjërave që ende përpiqet ta përpunojë, duke thënë se do të mbetet një pendesë me të cilën do të jetojë gjithmonë.
