Ivanka Trump ka bërë një rrëfim ndryshe, në të cilin nuk mundi t’i mbante lotët. Gjatë një interviste për mediat e huaja ai foli për vdekjen e nënës së saj. Gjatë rrëfimit u ndal tek beteja me sëmundjen si dhe për tentativën e vrasjes së babait të saj, Presidentit të SHBA-së Donald Trump. Në podcastin “Ditari i një CEO”, 44-vjeçarja u shpreh mes emocionesh se kishte jetuar një jetë të lumtur.
“Nëna ime më mësoi të jap maksimumin në çdo gjë që bëj”, u shpreh ajo.
Ivanka Trump foli gjithashtu për ndikimin e madh që ka pasur humbja e një prindi, sidomos në mënyrë të papritur, duke e lidhur këtë edhe me periudhën e COVID-19, që sipas saj i ka privuar familjet nga shumë momente.
“Nëna ime më mësoi shumë se si ta dua atë që bëj. Përpiqem të mos qaj më. Humbja e një prindi. Ndihem ndryshe për mua, e dini, veçanërisht në mënyrë të papritur, veçanërisht pas COVID-it, i cili na mori kaq shumë vite”, shtoi ajo.
Gjatë intervistës, ajo përmendi edhe gjyshen e saj, Marie Zelníčková, me të cilën jeton aktualisht në Florida, duke thënë se është e pazëvendësueshme për familjen.
Ivanka ndau edhe sfidat shëndetësore të bashkëshortit të saj, Jared Kushner, i cili është përballur dy herë me kancer në tiroide.
Ajo tregoi se kjo periudhë së bashku me humbjen e nënës, e shtyu të kërkonte ndihmë përmes psikoterapisë.
“Sapo isha larguar nga Uashingtoni. Jaredit iu diagnostikua kanceri i tiroides për herë të dytë dhe më pas nëna ime vdiq“, tregoi ajo mes lotësh.
Një tjetër moment emocionues ishte kujtimi i atentatit ndaj të atit në Butler, Pennsylvania në korrik 2023. Ivanka tregoi se e kishte ndjekur ngjarjen në kohë reale nga një klub golfi në Neë Jersey, duke përjetuar frikë dhe ankth për jetën e tij. Megjithatë, ajo u shpreh se kishte ndjerë menjëherë se ai do të ishte mirë.
Në përfundim, Ivanka Trump nënvizoi se përvojat e saj i kanë mësuar të mos marrë asgjë si të mirëqenë në jetë, duke theksuar vlerën e çdo momenti me familjen dhe të dashurit.
