Për ndarjen nga jeta të akademikut Rexhep Qosja, ka reaguar edhe këngëtari i mirënjohur shqiptar, Ilir Shaqiri.
Përmes një postimi në Facebook, Shaqiri thotë se Qosja ishte dhe mbeti shpërblesëtari më i madh i dijeve.
“U shua INSTITUCIONI I MENDIMIT SHQIPTAR, Volteri i Gadishullit Ilirik, Qiriri metonimik i Naim Frashërit, që për 7 dekada ndriti mendjet e bashkëkombësve të tij, çjerri maskat hegjemoniste, dhimbjesjellëse mbi një popull të pambrojtur me histori e kulturë të lashtë dhe shpërpushi zemrat e çlirimtarëve! Ishte dhe mbeti shpërblesëtari më i madh i dijeve që na mungojnë”, ka shkruar artisti.
“Lamtumirë, PROFESOR!”.
Rexhep Qosja vdiq sot në moshën 89-vjeçare.
