Një person ka humbur jetën si pasojë e një vetaksidenti që ka ndodhur në orët e para të mëngjesit të sotëm në fshatin Dollc të Klinës.
Sipas Policisë, katër persona të tjerë kanë mbetur të lënduar dhe janë dërguar për trajtim në Spitalin Rajonal të Pejës ku, sipas mjekëve, ndodhen jashtë rrezikut për jetën.
“Me urdhër të Prokurorit të Shtetit, trupi i pajetë i viktimës është dërguar në Institutin e Mjekësisë Ligjore në Prishtinë për obduksion”, thotë Policia.
