Të enjten në Gjykatën Themelore të Prizrenit pritet të vazhdojë seanca gjyqësore për rastin e vdekjes tragjike të Auron Thaqit.
Kështu ka konfirmuar nëna e të ndjerit, Esma, derisa u bë e ditur se seanca pritet të fillojë nga ora 13:15.
Kujtojmë se Prokuroria Themelore në Prizren ka ngritur aktakuzë ndaj Enes Ay dhe Hajrullah Brcanit, të cilët në seancën fillestare janë deklaruar të pafajshëm.
I riu Auron Thaqi, vdiq më 7 korrik 2024, pasi ishte plagosur rëndë me thikë. Ai vdiq në Qendrën Klinike Universitare të Kosovës.
Në njëvjetorin e vdekjes, nëna e tij pati rrëfyer në Klan Kosova se si e kishte pranuar lajmin e trishtë. Ajo ka kërkuar burgim të përjetshëm për të akuzuarit.
