Avokati Syla ka dhënë detaje të reja lidhur me ecurinë deri te krimi nga vrasja e Liridona Ademajt.
“Është vërtetuar se Naim Murseli hyn në Hotel “Swiss” duke e mbuluar fytyrën. Ndërkohë, Kushtrim Kokalla dyshohet se i ka qëndruar afër dhe e ka ndihmuar si para, ashtu edhe pas ngjarjes së vrasjes.
Sa i përket pagesës në hotelin “Swiss”, mbrojtja e Kokallës ka mohuar se ai e ka kryer pagesën. Megjithatë, nga recepcioni është konstatuar edhe një banknotë që është dorëzuar nga Kokalla.
Në dëshminë e tij, ai ka deklaruar se nuk ka mundur ta kryejë pagesën për shkak të mungesës së mjeteve financiare. Po ashtu, dyshohet se Kushtrim Kokalla ka kryer disa veprime pas vrasjes” ka thënë avokati.
