Presidenti i Ukrainës, Volodymyr Zelensky, ka deklaruar se vendi i tij ka përfunduar të gjitha detyrimet e nevojshme për të avancuar drejt anëtarësimit në Bashkimin Evropian.
Ukraina prej kohësh synon integrimin në BE, duke e konsideruar këtë proces si një hap të rëndësishëm për sigurinë e saj dhe për forcimin e mbështetjes ndërkombëtare, veçanërisht gjatë luftës me Rusinë.
Sipas Zelenskyt, janë duke u përgatitur katër kapituj të rinj në kuadër të negociatave për anëtarësim, ndërsa dy prej tyre tashmë kanë hyrë në fazën e zbatimit.
“Ne kemi bërë gjithçka nga ana jonë për të siguruar një vendim pozitiv”, ka shkruar presidenti ukrainas në platformën “X”.
Zelensky ka theksuar se Ukraina mbetet e përkushtuar ndaj procesit të integrimit evropian dhe pret hapa të mëtejshëm nga institucionet e Bashkimit Evropian.
