Një incident i rëndë ka ndodhur të hënën në ambientet e një shkolle në fshatin Dranoc të Deçanit, ku dyshohet se një prind e ka sulmuar fizikisht një 11-vjeçar.
Deri tek ky rast dyshohet se ka ardhur pas një mosmarrëveshje (fjalosje) që viktima dhe i biri i të dyshuarit kishin pasur më herët.
Siç mëson Klankosova.tv ditën kritike e kishte rrahur të miturin dhe e kishte futur më pas në veturë duke e çuar pastaj në oborrin e shkollës ku edhe kishin ndërhyrë stafi i shkollës.
Pas raportimit në polici, burri u arrestua dhe u dërgua në mbajtje për 48 orë, derisa 11 vjeçari ka pranuar tretman mjekësor dhe është deklaruar edhe në polici në praninë e punëtori social dhe prindërve.
