Ministria e Administrimit të Pushtetit Lokal ka miratuar vendimin për emërtimin dhe riemërtimin e rrugëve në Mitrovicën e Veriut.
Këtë e ka bërë të ditur kryetari i Kuvendit Komunal atje, Nexhad Ugljanin në Kontakt Plus.
“Vendimi për emërtimin ose riemërtimin e rrugëve në Mitrovicën e Veriut u miratua nga Ministria e Administrimit të Pushtetit Lokal”, tha ai.
Kur u pyet se kur qytetarët mund të presin vendosjen e tabelave të reja, ai thotë: “Shumë shpejt”.
“Por kjo nuk varet më nga Kuvendi, sepse ai e miratoi atë vendim. Komisioni punoi për emërtimin dhe riemërtimin e rrugëve”, tha Uglanin.
