Dy projektligje të rëndësishme të qeverisë janë rikthyer sot në vëmendjen e Kuvendi i Kosovës, pasi u dërguan për miratim në seancën plenare.
Bëhet fjalë për projektligjin për çmimet tavan dhe atë për sigurimet e detyrueshme shëndetësore, të cilat kishin marrë miratimin fillestar në Kabinetin qeveritar javën e kaluar.
Në seancë, shefja e grupit parlamentar të VV-së, Arbërie Nagavci, propozoi që këto dy nisma ligjore, së bashku me projektligjin për shtetësinë, të futen menjëherë në votim. Ajo theksoi se të gjitha projektligjet kanë kaluar fazën e shqyrtimit në komisionet parlamentare dhe janë të gatshme për vendimmarrje.
Projektligji për çmimet tavan, i njohur si masë e përkohshme për produktet bazë në raste të destabilizimit të tregut, më herët ishte shpallur i pavlefshëm nga Gjykata Kushtetuese e Kosovës në vitin 2023. E njëjta situatë kishte ndodhur edhe me projektligjin për sigurimet shëndetësore, i cili po ashtu ishte rrëzuar në të kaluarën.
