Lumi më i gjatë i Italisë, PO, po thahet për shkak të një vale të nxehti, me nivelin e tij më të ulët të ujit për këtë kohë të vitit që lejon ujin e detit të hyjë në shtratin e tij.
Kjo kërcënon zemrën bujqësore të Italisë, e njohur për prodhimin e qumështit për djathin parmixhano, dhe ngjall frikën e një thatësire shkatërruese në korrik.
Në brigjet e njërit prej përrenjve, fermerja Federica Vidali e shikon me shqetësim fushën e saj me luledielli.
Edhe pse lulet e para të sezonit kanë dalë, toka në disa pjesë të fushës është tashmë e thatë dhe e çarë. Një nga dy kanalet e ujitjes është mbyllur për të parandaluar që uji i kripur të arrijë dhe të shkatërrojë të mbjellat.
“Na mbetet uji që të tjerët janë të gatshëm të na japin. Por ne nuk jemi fermerë të klasit të dytë!” tha Vidali për AFP-në.
