Qëndrim Xhemajli, njëri nga të rinjtë që humbi jetën tragjikisht në vetaksidentin e ndodhur dje në rrugën Prishtinë–Mitrovicë, do të varroset sot.
Ceremonia mortore do të mbahet nga ora 13:00, në varrezat e fshatit Shipol. Familjarë, miq dhe të afërm do të mblidhen për t’i dhënë lamtumirën e fundit të riut.
Aksidenti i rëndë, i ndodhur në orët e para të së mërkurës në Smrekonicë, ka shkaktuar dhimbje të madhe te familjarët dhe ka tronditur opinionin publik.
