Një shtetas i huaj, i kërkuar ndërkombëtarisht nga autoritetet spanjolle për veprën penale “rrëmbim i fëmijës”, është ekstraduar sot nga Kosova drejt Spanjës.
Policia e Kosovës, në bashkëpunim me institucionet përkatëse, ka realizuar transferimin e të dyshuarit, i cili ishte arrestuar më herët në Kosovë.
Sipas autoriteteve, ndaj tij ishte lëshuar letërarrestim ndërkombëtar përmes INTERPOL-it, me kërkesë të institucioneve të drejtësisë së Spanjës.
Ekstradimi është kryer në përputhje me legjislacionin në fuqi dhe pas bashkëpunimit ndërmjet institucioneve të Kosovës dhe atyre spanjolle.
Policia ka bërë të ditur se do të vazhdojë bashkëpunimin dhe shkëmbimin e informacioneve me institucionet vendore, shtetet e tjera dhe organizatat ndërkombëtare, me qëllim të parandalimit dhe hetimit të veprave penale, si dhe identifikimit, kapjes dhe arrestimit të personave të kërkuar që veprojnë brenda apo jashtë vendit.
