Reperi i njohur kosovar, Mozzik, ka ndarë me publikun një lajm të gëzueshëm: ardhjen në jetë të djalit të tij, të cilit ia ka vendosur emrin Oz.
Artisti ka publikuar një dedikim emocionues, përmes të cilit ka shprehur mirënjohjen ndaj Zotit për bekimin e ri në familjen e tij. Ai ka treguar se prej kohësh ishte lutur që të bëhej baba i një djali, ndërsa ardhjen e tij në jetë e ka cilësuar si dhuratën më të madhe.
Në mesazhin e tij, Mozzik ka kujtuar edhe sprovat që ka kaluar, duke theksuar se ato e kanë bërë më të fortë dhe më të pjekur.
Reperi i ka uruar të birit shëndet, jetë të gjatë dhe një rrugëtim të mbushur me të mira, duke e shoqëruar dedikimin me fjalë të përzemërta prindërore.
“U bëfsh i hajrit, djali jem Oz! Paç shëndet, jetë të gjatë e Zoti të priftë gjithmonë në të mirë!”, ka shkruar ai.
Në fund të mesazhit, Mozzik ka shprehur dashurinë e madhe për të birin në emër të të dy prindërve, duke e bërë këtë moment edhe më të veçantë për familjen e tij.
