Një shifër alarmante vdekjesh të personave në vendin e punës, kanë ndodhur për 10 muaj në Kosovë.
Plot 26 punëtorë humbën jetën në vendin ku kanë punuar, dhe shumica prej tyre lidhen me sektorin e ndërtimtarisë.
Gazetari Vullnet Krasniqi, e quan ‘mafia të ndërtimtarisë’ këtë sektor, duke thënë se punëtorëve iu mungojnë kushtet bazë, teksa sipas tij, kompania përfiton miliona euro.
“Sektori që më së shumti vdesin punëtorët, është sektori i ndërtimtarisë. Kjo lidhet pikërisht me natyrën e kësaj pune, që është direkt e lidhur me jetën e njeriut, është punë fizike. Më herët e shikova se në cilat qytete kanë ndodhur më së shumti që humbin jetën punëtorët. Del që është rajoni i Dukagjinit që ka më së shumti vdekje të punëtorëve, dhe lidhet direkt me sigurinë e punëtorëve në vendin e punës”.
“E kisha quajt mafi e ndërtimit, e cila nga njëra anë prodhon miliona euro, e në anën tjetër prodhon vdekje për punëtorët”, u shpreh Krasniqi.
Pos tjerash, Krasniqi për këtë dukuri lë fajtor shtetin.
