Një person është arrestuar dje në Istog pasi gjatë kontrollit të veturës është gjetur dhe konfiskuar kokainë.
Burime të Indeksonlinet bëjnë të ditur se i arrestuari është L.Kuqi, infermier në burgun e Dubravës.
Ai është djalë i një zyrtari policer i pensionuar pak kohë më parë.
“Njësiti policor ka ndaluar një veturë me targa vendi të cilën e drejtonte i dyshuari m/k. Gjatë kontrollit të veturës është gjetur dhe konfiskuar substanca narkotike e llojit kokainë e cila ishte e ndarë në 31 copë të mbështjella në qese të vogla. Njësiti i antidrogës së PK-së (DHTN) ka bërë bastisjen e një dyqani dhe banesës së të dyshuarit ku në banesë është gjetur edhe një qese e substancës së dyshuar narkotike e llojit të njëjtë. Lidhur me rastin janë kontrolluar edhe dollapët e të dyshuarit që i ishin në shfrytëzim personal në vendin e tij të punës, por aty nuk është gjetur asgjë e dyshuar. Sasia e narkotikëve të konfiskuar ka rezultuar 17.4 gram. Lidhur me rastin janë sekuestruar edhe një veturë, një telefon i llojit Iphone 17 Pro, shuma e të hollave prej 3.475 (tremijë e katërqind e shtatëdhjetë e pesë) euro dhe një peshore elektronike. Me vendim të prokurorit i dyshuari dërgohet në mbajtje për proceduar të mëtejme ligjore”, thuhet në raportin e policisë.
