Është ndaluar një person nga Prokuroria Themelore në Prishtinë, në bashkëpunim të ngushtë me Policinë e Kosovës, i cili dyshohet se ka vjedhur rreth 9 kilogramë ari, në vlerë prej 1.000.000 euro.
Sipas njoftimit të prokrurorisë, XH.V., ka kryer vjedhje në argjendarinë ‘’G…..’’.
Theksohet se gjatë bastisjes në banesën e të dyshuarit, është gjetur dhe sekuestruar një armë pa leje, si dhe një diamant.
Po ashtu, ndaj pasurisë së të pandehurit, përkatësisht një veturë të tipit BMW X6 dhe një banesë në lagjen Tophane, në vlerë rreth 110.000 euro, do të lëshohet urdhër i përkohshëm ndalimi, si dhe do të parashtrohen kërkesa për urdhër ndalues përfundimtar lidhur me pasurinë e sekuestruar.
“Prokurori i shtetit, brenda afatit ligjor, do të paraqesë në gjykatën kompetente kërkesë për caktimin e masës së paraburgimit ndaj të pandehurit”.
