Banorët e rrugës “Ismail Dumoshi” në Prishtinë, ankohen për gjoba nga policia për parkim në trotuar, pasi nuk kanë vend të posaçëm për makinën e tyre.
Ata thonë se i kanë parkuar veturat aty prej më shumë se 40 vite, por vetëm këto dy vitet e fundit po marrin gjoba.
Qytetarët shtojnë se parkingu pas ndërtesës nuk mjafton dhe përdoret edhe nga të tjerët.
Luftar Braha, drejtor i Shërbimeve Publike, tha se po shqyrtohet mundësia për parkingje të reja në zona të tjera, por procesi nuk është i shpejtë, dhe banorët mund të përdorin vendet ekzistuese pak më larg.
