Sot shënohet 28-vjetori i Epopesë së UÇK-së.
Me këtë rast, në emisionin “Ora 7” në Klan Kosova, ka folur një nga luftëtarët e kësaj ushtrie, Emin Lati, veteran i UÇK-së, si dhe një person i afërt i familjes Jashari, konkretisht Adem Jasharit.
“Po të mos ishte 5, 6, 7 marsi, sot nuk do ishim këtu ku jemi. Por ranë ata burra, dhe jemi ardhur sot ku jemi. Ai rrugëtim i familjes Jashari, prej viteve ’90 deri më 5, 6, 7 mars, kur ranë ata burra, për të mos vdekur kurrë, domethënë e prunë sot Kosovën dhe e bënë një bashkim të gjithë popullit shqiptar”, tha ai.
Sipas Latit, deri më 5, 6, 7 mars, gjendja në Kosovë ishte e vështirë.
“I kemi pasur sendet keq, gati ishim edhe të asimiloheshim, sepse kjo ishte dhunë jashtë normale. Por ranë këta burra dhe e kthyen këtë gjendje që e kemi sot”, tha ai.
Ai po ashtu rrëfeu mënyrën sesi iu bashkua UÇK-së dhe luftoi pranë Adem Jasharit gjatë luftës.
