Kryetari i PDK-së, Bedri Hamza në 28-vjetorin e Epopesë së UÇK-së ka thënë se familja e kryekomandantit Adem Jashari u bë simbol i kombit shqiptar dhe sakrifica e tyre u kthye në liri.
“Historia jonë ka shumë kapituj. Por është një ngjarje që ndryshoi rrjedhën e saj: tri ditët e marsit të vitit 1998 në Prekaz. Familja Jashari u bë simboli i kombit tonë dhe sakrifica e tyre u kthye në liri. Ata nuk u dorëzuan. Ata nuk u larguan. Ata qëndruan dhe sakrifikuan gjithçka që ne sot të jetojmë të lirë. Më 5, 6 dhe 7 mars 1998, në Prekaz u mbrojt dinjiteti i popullit tonë. Lavdi komandantit legjendar Adem Jashari dhe familjes Jashari! Lavdi të gjithë të rënëve për lirinë tonë!”, shkroi Hamza.
