Ministria e Industrisë, Ndërmarrësisë, Tregtisë dhe Inovacionit (MINT) ka publikuar çmimet maksimale të lejuara për derivatet e naftës, të cilat do të hyjnë në fuqi sot duke filluar nga ora 10:00.
Sipas vendimit të MINT-it, çmimi i naftës ka rënë për një cent, krahasuar me një ditë më parë. Çmimi maksimal i naftës (dizel) është caktuar në 1.52 euro për litër, ndërsa benzina do të tregtohet me çmim maksimal prej 1.39 euro për litër. Ndërkaq, çmimi maksimal i gazit është përcaktuar në 0.68 euro për litër.
Ministria ka bërë të ditur se qytetarët mund të paraqesin ankesat e tyre lidhur me zbatimin e çmimeve përmes adresës elektronike konsumatori@rks-gov.net ose duke telefonuar në numrin pa pagesë 0800 11000.
